සම්බන්ධන් සේනාධිරාජා ගැටුම උග්‍ර වෙයි – සාම කතාව වව්නියාවේදී

ඉලංගෙයි තමිල් අරසුකච්චි පක්ෂයේ විශේෂ මධ්‍යම කාරක සභා සාකච්ජාවක් දෙමළ ජාතික සන්ධාන නායක ආර්.සම්බන්ධන් මහතාගේ හා ඉලංගෙයි තමිල් අරසු කච්චි පක්ෂ නායක මාවේයි සේනාධිරාජා මහතාගේ ප‍්‍රධානත්වයෙන් වවුනියාව පෞද්ගලික හෝටලයකදි අද (12) උදැසන ආරම්භ වී තිබේ.
ඉලංගෙයි තමිල් අරසු කච්චි පක්ෂයේ ඉදිරි මැතිවරණ ක‍්‍රියාවලිය හා දෙමළ ජාතික සන්ධානයේ හටගෙන ඇති අර්බුද සම්බන්ධයෙන් එහිදි සාකච්ජා කිරීමට නියමිත බැව් දෙමළ ජාතික සන්ධාන නායක ආර්.සම්බන්ධන් මහතා පැවසීය.
ඉලංගෙයි තමිල් අරසු කච්චි පක්ෂය උතුරු නැගෙනහිර පළාත් පාලන ආයතන වෙනුවෙන් තරඟ කරන ආකාරය සම්බන්ධයෙන් සාකච්ජාවේදී මූලික වශයෙන් සාකච්ජා කරන බව ඉලංගෙයි තමිල් අරසු කච්චි පක්ෂ නියෝජිතයින් පැවසූහ.
සාකච්ජාවන් වෙනුවෙන් ඉලංගෙයි තමිල් අරසුකච්චි පක්ෂය නියෝජනය කරන පාරලිමේන්තු මන්ත‍්‍රීවරුන්, උතුරු නැගෙනහිර පළාත් සභා නියෝජිතයින් එක්ව සිටියහ.

Leave a Reply

Your email address will not be published. Required fields are marked *